Բարսան մի խաղակես միացրեց շարժիչները, ինչն էլ բավական եղավ 🎥

Ավարտվեց Չեմպիոնների լիգայի 2019/20 մրցաշրջանի 1/8 եզրափակիչ փուլը։ 1/8 եզրափակչի վերջին հանդիպման շրջանակում «Բարսելոնան» սեփական հարկի տակ մրցեց «Նապոլիի» դեմ։ Հիշեցնենք, որ դիմակայության առաջին խաղը Նեապոլում ավարտվել էր 1։1 հաշվով։

Հանդիպումը կարող էր բավականին անսպասելի սկիզբ ունենար, սակայն 2-րդ րոպեին Դրիս Մերտենսի հարվածից հետո «Բարսելոնային» փրկեց դարպասաձողը։

Հանդիպման առաջին 10 րոպեն գրոհեց «Նապոլին», սակայն խաղի հաշվիը բացեց «Բարսելոնան»։Իվան Ռակիտիչի իրացրած անկյունային հարվածի իրացումից հետո Կլեման Լանգլեն բացեց խաղի հաշիվը։

23-րդ րոպեին կատալոնական ակումբը կրկնապտկեց հաշվի տարբերությունը։ Հարձակման աջ եզրից Լեո Մեսսին անհատական անցում ձեռնարկեց, ճանապարահին շրջանցեց մրցակցի մի քանի ֆուտբոլիստի և գրավեց Դավիդ Օսպինայի դարպասը՝ դառնալով բավականին գեղեցիկ գոլի հեղինակ։

30-րդ րոպեին Լեո Մեսսին իր անվան դիմաց դուբլ գրանցեց, սակայն հանդիպման գլխավոր մրցավար Չունեյթ Չակիրը չհաշվեց այն՝ արձանագրելով ձեռքով խաղ։

Հանդիպման 45+1-րդ րոպեին «բլաուգրանասը» վաստակեց 11 մետրանոց հարված։ Լեո Մեսսին պրեսինգի դիմեց Կալիդու Կուլիբալիին և խլեց գնդակը, սակայն սենեգալցի պաշտպանը ոչ միտումնավոր հարվածեց արգենտինացի ֆուտբոլիստին։ Այդ դրվագում Մեսսին վնասվածք ստացավ և չկարողացավ իրացնել վճռորոշ հարվածը։ Գնդակին մոտեցավ Լուիս Սուարեսը, և հաշիվը դարձրեց 3։0

Նախքան ընդմիջման գնալը Ջենարո Գատուզոյի սաները ևս վաստակեցին, որն անվրեպ իրացեց Լորենցո Ինսինիեն։

Հիանալի առաջին խաղակեսից հետո «Բարսելոնան» անչափ թույլ երկրորդ խաղակես անցկացրեց, իսկ «Նապոլին» պայքարեց մինչև վերջ, որպեսզի կորցրածը հետ բերի, սակայն նեապոլիտանական ակումբն այդպես էլ չկարողացավ որևէ բան առաջարկել Մարկ-Անդրե Տեր Շտեգենի պաշտպանած դարպասի մոտ։

Այսպիսով, «Բարսելոնան» դարձավ մրցաշարի քառորդ եզրափակչի վերջին մասնակիցը, որի շրջանակում կմրցի «Բավարիայի» դեմ։