Բավարիան կամային հաղթանակ տոնեց, Բորուսիան Դորտմունդը կրկին միավորներ կորցրեց🎥

Բավարիան կամային հաղթանակ տոնեց, Բորուսիան Դորտմունդը կրկին միավորներ կորցրեց🎥

11/12/2021 - 20:46

Գերմանական Բունդեսլիգայի 15-րդ տուրի շրջանակում վերջին տարիների անփոփոխ չեմպիոն և ընթացիկ մրցաշրջանի առաջատար «Բավարիան» սեփական հարկի տակ մրցեց «Մայնցի» դեմ։

Մյունխենյան ակումբը լուրջ դիմադրության բախվեց հյուրերի կողմից, սակայն կարողացավ կամային հաղթանակ տոնել։

«Մայնցի» կազմից հանդիպման հաշիվը 22-րդ րոպեին բացեց Կարիմ Օնիսիվոն, իսկ «Բավարիայի» գոլերը 53-րդ ու 74-րդ րոպեներին հեղինակեցին համապատասխանաբար Կինգսլի Կոմանն ու Ջամալ Մուսիալան։

Այս հաղթանակից հետո Յուլիան Նագելսմանի թիմը վաստակեց 37 միավոր և շարունակում է գլխավորել մրցաշարային աղյուսակը։

«Մայնցը», 21 միավորով, 8-րդն է։

Այդ հանդիպմանը զուգահեռաբար ընթանում էր նաև «Բոխում» – «Բորուսիա Դորտմունդ» հանդիպումը։

Չնայած դորտմունդյան ակումբը ողջ հանդիպման ընթացքում ուներ խաղային լուրջ առավելություն, միևնույնն է, չկարողացավ կոտրել մրցակցի դիմադրությունը. հանդիպումն ավարտվեց 1:1 հաշվով։

40-րդ րոպեին «Բոխումին» առաջ մղեց Սեբաստիան Պոլտերը, իսկ 85-րդ րոպեին «Բորուսիայի» պատասխան գնդակը խփեց Յուլիան Բրանդտը։

Այս ոչ-ոքիից հետո «իշամեղուները» վաստակեցին 31 միավոր և զբաղեցնում են 2-րդ հորիզոնականն ու արդեն 6 միավորով զիջում են առաջնության առաջատար «Բավարիային»։

«Բոխումը» վաստակեց 20 միավոր և զբաղեցնում է 10-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022