«Բավարիայի» կատարյալ ֆիասկոն! «Ֆեյենորդը» խոշոր հաշվով հաղթել է «ռեկորդ մայսթերին» 🎥

Չեմպիոնների լիգայի հիմնական փուլի 7-րդ տուրում Մյունխենի «Բավարիան» Ռոտերդամի «Դե Կույպ» ստադիոնում հյուրընկալվելիս մրցել է «Ֆեյենորդի» դեմ։

Մյունխենյան ակումբը կատարյալ ֆիասկոյի է ենթարկվել և պարտվել 0:3 հաշվով։

Նիդերլանդական ակումբից դուբլ է գրանցել Սանտիագո Խիմենեսը, մեկ անգամ էլ աչքի է ընկել Այասե Ուեդան։

Հանդիպման հերոսներից էր նաև «Ֆեյենորդի» դարպասապահ Յուսթին Բեյլոն, որը կատարեց 7 սեյվ։

Նշենք, որ «Բավարիան» հանդիպման մեծ մասում ունեցել է խաղային ու տարածքային տոտալ առավելություն, գնդակին տիրել է ժամանակի 80 տոկոսին, մրցակցի դարպասի ուղղությամբ կատարել 30 հարված։

«Ֆեյենորդը» միավորների քանակը հասցրել է 13-ի և բարձրացել 11-րդ տեղ, «ռեկորդ մայսթերը» 12 միավորով 15-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից