Բայերը փայլեց` ջախջախիչ հաղթանակով դուրս գալով Եվրոպա լիգայի կիսաեզրափակիչ🎥

Եվրոպա լիգայի 1/4 եզրափակիչի պատասխան խաղում «Բայեր Լևերկուզենն» Անդերլեխտի «Լոտո Պարկ» մարզադաշտում հյուրընկալվելիս մրցեց բելգիալան «Յունիոն Սենթ Ժիլուազի» դեմ։

Նշենք, որ դիմակայության առաջին խաղում գրանցվել էր 1:1 հաշիվը։

Պատասխան խաղում «Բայերը» հիասքանչ տեսք ուներ և մրցակցին ջախջախեց 4:1 հաշվով։

Խաբի Ալոնսոյի թիմից մեկական անգամ աչքի ընկան Մուսա Դիաբին, Միտչել Բակերը, Ժերեմի Ֆրիմպոնգն ու Ադամ Հլոժեկը։

Տանտերերի միակ գոլը խփեց Կասպեր Տերհոն։

Այսպիսով, «դեղագործներն» ընդհանուր դիմակայությունում հաղթեցին 5:2 հաշվով` դուրս գալով Եվրոպա լիգայի կիսաեզրափակիչ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am