Արգենտինան հաղթեց Կոլումբիային` 16-րդ անգամ դառնալով Կոպա Ամերիկայի չեմպիոն 
15/07/2024 - 08:05
Ամերիկայի գավաթի խաղարկության եզրափակիչում Արգենտինայի հավաքականը Մայամիի «Հարդ Ռոք» մարզադաշտում մրցեց Կոլումբիայի թիմի դեմ։
Համառ ու լարված պայքարում անցած հանդիպման հիմնական ժամանակում գոլեր չգրանցվեցին։ Այն շարունալվեց լրացուցիչ ժամանակում։
112-րդ րոպեին «ալբիսելեստեին» հաջողվեց խփել հաղթական գոլը. այն իր անվան դիմաց գրանցեց փոխարինման մտած Միլանի «Ինտերի» հարձակվող Լաուտարո Մարտինեսը։
26-ամյա հարձակվողը մրցաշարում խփեց 5 գոլ ու դարձավ լավագույն ռմբարկու։
Այսպիսով, Արգենտինան հաղթեց 1:0 հաշվով ու 16-րդ անգամ նվաճեց Ամերիկայի գավաթը։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am