Ասթոն Վիլան 41 տարի անց նվաճեց Չեմպիոնների լիգայի ուղեգիր

15/05/2024 - 11:16

Անգլիական Պրեմիեր լիգայի վերջին տուրից առաջ «Ասթոն Վիլան» ապահովեց տեղը Չեմպիոնների լիգայի հաջորդ խաղարկությունում։

Բիրմինգհեմը ներկայացնող ակումբը Չեմպիոնների լիգայի ուղեգիր նվաճեց 34-րդ տուրից հետաձգված խաղում «Տոտենհեմի»` «Մանչեսթեր Սիթիից» 0:2 հաշվով կրած պարտությունից հետո։ «Ասթոն Վիլան» առաջնության ավարտից մեկ տուր առաջ 68 միավորով չորրորդ տեղում է, իսկ «Տոտենհեմը» 63 միավորով 5-րդն է։

«Վիլան» վերջին անգամ ակումբային ամենահեղինակավոր մրցաշարին մասնակցել է 41 տարի առաջ` 1982/83 մրցաշրջանում, երբ այն դեռ կոչվում էր Եվրոպական չեմպիոնների գավաթ։ Մրցաշարը Չեմպիոնների լիգա վերանվանվել է 1992 թվականից։

Նշենք, որ «Ասթոն Վիլան» 1982 թ. դարձել է Չեմպիոնների լիգայի հաղթող` եզրափակիչում 1:0 հաշվով առավելության հասնելով «Բավարիայի» նկատմամբ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# ԱՊԼ, Աստոն Վիլլա, Եվրոպական չեմպիոնների գավաթ, Մանչեսթեր-Սիթի, Չեմպիոնների-լիգա, Տոտենհեմ