Անգլիան ընկերական հանդիպումներ կանցկացնի ԱԱ-2026-ի մասնակիցներից երկուսի հետ 📸
Անգլիայի ազգային հավաքականը 2026թ. մարտին երկու ընկերական հանդիպում կանցկացնի։
ԱԱ-2026-ի նախապատրաստական շրջանում «երեք առյուծները» Լոնդոնի «Ուեմբլի» ստադիոնում մարտի 27-ին կհանդիպեն Ուրուգվայի, իսկ մարտի 31-ին` Ճապոնիայի հավաքականին։
Առաջին խաղը Երևանի ժամանակով կմեկնարկի 23:45-ին, իսկ երկրորդը` 22:45-ին։
Աշխարհի առաջնության մեկնարկից առաջ անգլիացիները հունիսին ԱՄՆ-ում ևս երկու ընկերական հանդիպում կանցկացնեն, որի մրցակիցները կհրապարակվեն ավելի ուշ։
Թոմաս Տուխելի գլխավորած թիմը Մունդիալում կլինի L խմբում և կմրցի Խորվաթիայի, Գանայի ու Պանամայի հավաքականների դեմ։
Ճապոնիան և Ուրուգվայը նույնպես կմասնակցեն քառամյակի գլխավոր մրցաշարին։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
# ԱԱ-2026, Անգլիայի հավաքական, Աշխարհի առաջնություն, ընկերական-հանդիպումներ, Ճապոնիայի հավաքական, Մունդիալ-2026, Ուրուգվայի հավաքական