Անգլիայի գավաթ. «Նոթինգեմ Ֆորսթը» մեծ դժվարությամբ է հաղթահարել երրորդ դիվիզիոնը ներկայացնող ակումբի արգելքը 🎥

Անգլիայի գավաթի խաղարկության 1/16 եզրափակիչում «Նոթինգեմ Ֆորեսթը» հյուրընկալվելիս մրցեց երրորդ դիվիզիոնը` Առաջին լիգան, ներկայացնող «Էքզեթեր Սիթիի» դեմ։

Հանդիպումը բավական անսպասելի մեկնարկ ունեցավ, քանի որ արդեն 5-րդ րոպեին Ջոշ Մադջենիսն առաջ մղեց «Էքզեթերին», սակայն, նախքան ընդմիջում, «անտառապահները» ոչ միայն հավասարեցրին, այլև առաջ անցան հաշվի մեջ. աչքի ընկան համապատասխանաբար Ռամոն Սոսան ու Թոնի Ավոնիյին։

50-րդ րոպեին Մադջենիսը դուբլ գրանցեց ու խփեց տանտերերի պատասխան գոլը։

87-րդ րոպեին «Էքզեթերը» մնաց 10 ֆուտբոլիստներով. դաշտից հեռացվեց պաշտպամ Էդ Թերնսը։

«Ֆորեսթն», ունենալով խաղային ու տարածքային լուրջ առավելություն, չկարողացավ ո՛չ հիմնական, ո՛չ էլ լրացուցիչ ժամանակում հաղթանակ կորզել։

Հանդիպման հերոսը տանտերերի 20-ամյա դարպասապահ Ջո Վիթուորթն էր, որը 9 սեյվ կատարեց։

Կողմերը հաղթողին պարզեցին հետխաղյա 11-մետրանոցներով. հյուրերը հաղթեցին 4:2 հաշվով և պայքարը կշարունակեն մրցաշարի 1/8 եզրափակիչում, որտեղ կմրցեն «Իպսվիչ Թաունի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից