Ե՞րբ էր վերջին անգամ Էվերտոնն «Էնֆիլդում» հաղթել Լիվերպուլին

Անգլիական Պրեմիեր լիգայի 25-րդ տուրի շրջանակում «Լիվերպուլը» սեփական հարկի տակ 0։2 հաշվով զիջեց «Էվերտոնին»։

Պարզվում է՝ «իրիսներին» բավական երկար ժանանակ է՝ չէր հաջողվում հյուրընկալվելիս հաղթանակ տոնել իրենց համաքաղաքացիների նկատմամբ։

Ինչպես տեղեկացնում է OptaJoe-ն, «Էվերտոնը» «Էնֆիլդ Ռոուդ» մարզադաշտում վերջին անգամ հաղթել էր 1999 թվականին։

Աղբյուրի փոխանցմամբ՝ «Էվերտոնը» նաև ընդհատեց «Լիվերպուլի» դեմ անցկացրած վերջին 23 հանդիպումներից բաղկացած անհաջող շարքը, որոնց ընթացքում չէր կարողացել հաղթել «կարմիրներին»։

Ընդհատվեց նաև «Լիվերպուլի»՝ մեկ ակումբի դեմ անցկացրած անպարտելի հանդիպումների լավագույն շարքը։ Այդ ընթացքում մերսիսայդյան ակումբը «Էվերտոնի» նկատմամբ տարել էր 11 հաղթանակ, իսկ 12 խաղ էլ ավարտվել էր ոչ-ոքի։

Հ․Գ․ Միացեք մեր Telegram-ի ալիքին -> https://t.me/Interfootball_am