Անգլիական երկու ակումբներ կարող են միավորվել

Անգլիայի երկրորդ դիվիզիոնը` Չեմպիոնշիփը ներկայացնող «Շեֆիլդ Յունայթեդն» ու «Շեֆիլդ Ուենսդեյը» կարող եմ միավորվել, հայտնում է Sky Sports-ը։

«Յունայթեդի» ղեկավարներն այդ հարցով արդեն դիմել են «Ուենսդեյի» ներկայացուցիչներին` նպատակ ունենալով միավորման շնորհիվ ստեղծել մեկ` ավելի հզոր թիմ։

Այդուհանդերձ, Անգլիայի ֆուտբոլի լիգան (EFL), մեծ հավանականությամբ, թույլ չի տա նման միավորումը։

«Շեֆիլդ Ուենսդեյն» այժմ արտաքին կառավարման ներքո է և վերջն շրջանում ակումբի բաժնեմասի գնման համար ստացել է մոտ 80 դիմում։

«Ուենսդեյի» գլխավոր բաժնետեր դառնալու հավակնորդների թվում է «Նյուքասլի» նախկին սեփականատեր Մայք Էշլին։ Ակումբը ցանկանում է նաև գնել Ջոն Մաքևոյը, որին պատկանում են Հոկեյի ազգային լիգայի (NHL) «Նեշվիլ» և բեյսբոլի «Կոլորադո» թիմերը։

«Շեֆիլդ Յունայթեդը» Չեմպիոնշիփի ընթացիկ մրցաշրջանում 16 խաղում 13 միավոր է վաստակել և 22-րդ տեղում է, «Շեֆիլդ Ուենսդեյը»` -4 միավորով վերջին` 24-րդ։

EFL-ը ֆինանսական խնդիրների պատճառով «Ուենսդեյից» 12 միավոր է հանել։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml