Այսօր կկայանա Անգլիայի գավաթի եզրափակիչը

Այսօր կկայանա Անգլիայի գավաթի եզրափակիչը

14/05/2022 - 11:07

Այսօր` մայիսի 14-ին` Երևանի ժամանակով 19:45-ից սկսած` Լոնդոնի «Ուեմբլի» մարզադաշտում կկայանա Անգլիայի գավաթի 2021/22 խաղարկության եզրափակիչը, որի շրջանակում միմյանց դեմ կմրցեն «Չելսին» ու «Լիվերպուլը»։

Երկու ակումբներն էլ պայքարն սկսել են մրցաշարի 1/32 եզրափակիչից։ «Չելսին» մինչև եզրափակիչ հասնելը հաղթել է «Չեսթերֆիլդին» (5:1), «Պլիմութին» (2:1), «Լութոն Թաունին» (3:2), «Միդլսբրոյին» (2:0) ու «Քրիսթալ Փելասին» (2:0), իսկ «Լիվերպուլը»` «Շրուսբերի Թաունին» (4:1), «Քարդիֆին» (3:1), «Նորվիչին» (2:1), «Նոթինգհեմ Ֆորեսթին» (1:0) և «Մանչեսթեր Սիթիին» (3:2)։

Հատկանշական է, որ «Չելսին» ու «Լիվերպուլը» միայն մեկ անգամ են մրցել Անգլիայի գավաթի եզրափակիչում։ Կողմերի միջև կայացած միակ խաղում «Չելսին» 2012 թ. մայիսի 5-ին հաղթել է 2:1 հաշվով։

Նշենք, որ դա եղել է վերջին դեպքը, երբ «Լիվերպուլը» խաղացել է Անգլիայի գավաթի եզրափակիչում, իսկ վերջին անգամ մերսիսայդյան ակումբը մրցանակը հաղթել է 16 տարի առաջ` 2006 թվականին։

«Ազնվականները» վերջին 10 տարում արդեն վեցերորդ անգամ են հասել գավաթի եզրափակիչ` այդ ընթացքում երկու անգամ դառնալով հաղթող։

Վերջում հավաելենք, որ լոնդոնյան ակումբն Անգլիայի գավաթակիր դարձել է 8, իսկ «Լիվերպուլը»` 7 անգամ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022