Այաքսը ֆանտաստիկ խաղով ջախջախեց Բորուսիա Դորտմունդին🎥

Չեմպիոնների լիգայի խմբային փուլի 3-րդ տուրում «Այաքսը» C խմբի շրջանակում սեփական հարկի տակ մրցեց «Բորուսիա Դորտմունդի» դեմ։

Էրիկ Տեն Հագի սաները հիասքանչ հանդիպում անցկացրին և ջախջախեցին մրցակցին 4:0 հաշվով։

Ամստերդամը ներկայացնող ակումբի կազմից մեկական անգամ աչքի ընկան Դեյլի Բլինդը, Սեբաստիան Հալերն ու Էնթոնին, իսկ Մարկո Ռոյսը գրավեց սեփական դարպասը։

Հավելենք, որ Հալերը Չեմպիոնների լիգայի ընթացիկ խաղարկությունում խփել է արդեն 6 գոլ և գլխավորում է լավագույն ռմբարկուների ցուցակը։

Այս խմբում կայացել է ևս մեկ հանդիպում.

«Բեշիկթաշ» 1:4 «Սպորտինգ Լիսաբոն»

C խումբը 3-րդ տուրից հետո ունի հետևյալ տեսքը.

1. «Այաքս» – 9 միավոր
2. «Բորուսիա Դորտմունդ» – 6 միավոր
3. «Սպորտինգ» – 3 միավոր
4. «Բեշիկթաշ» – 0 միավոր

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am