Աղբյուր. «Լա լիգան ներկայացնող ակումբը հետաքրքրված է Մխիթարյանի ծառայություններով»

Աղբյուր. «Լա լիգան ներկայացնող ակումբը հետաքրքրված է Մխիթարյանի ծառայություններով»

10/11/2021 - 18:06

Վերջին անկայուն ու անկանոն մրցելույթներից հետո Հենրիխ Մխիթարյանի` ապագան «Ռոմայում» դարձել է մշուշոտ։

Ինչպես տեղեկացնում է Gol Digital պարբերականը, հայազգի կիսապաշտպանը հայտնվել է «Սևիլիայի» ուշադրության կենտրոնում։

Աղբյուրի փոխանցմամբ` Մխիթարյանի ծառայություններով անձամբ հետաքրքրված են «Սևիլիայի» սպորտային տնօրեն Ռամոն Մոնչին ու գլխավոր մարզիչ Խուիլեն Լոպետեգին։

Նշվում է, որ իսպանացի մասնագետը նույնիսկ որոշել է, թե որ դիրքում է պատրաստվում տեղ հատկացնել Մխիթարյանին։ Խոսքը վինգերներից մեկի դիրքի մասին է, քանի որ անդալուսական ակումբի առաջատարներից մեկը` Լուկաս Օկամպոսը, հնարավոր է, շուտով փոխի ակումբային գրանցումը։

Հաղորդվում է, որ «Սևիլիան» չի ցանկանում ձեռքից բաց թողնել 32-ամյա ֆուտբոլիստի հետ պայմանագիր կնքելու հնարավորությունը` հաշվի առնելով նաև, որ հայ ֆուտբոլիստի ու «Ռոմայի» միջև գործող պայմանագիրն ավարտվում է 2022 թ. ամռանը։

Այս գործարքի իրականացմանը կարող է խթանել նաև այն փաստը, որ Մխիթարյանը վերջին շրջանում քիչ խաղաժամանակ է ստանում հռոմեական ակումբի կազմում։

Հավելենք, որ Հենրիխ Մխիթարյանն ընթացիկ մրցաշրջանում բոլոր մրցաշարերի շրջանակում անցկացրել է 15 հանդիպում` դառնալով 2 գոլի և 3 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022