Ալաշկերտը հայտարարել է միանգամից 6 տրանսֆերի մասին
Ինչպես տեղեկացնում է «Ալաշկերտի» մամուլի ծառայությունը, ակումբին են միացել միանգամից 6 նոր ֆուտբոլիստներ։
Աղբյուրի փոխանցմամբ` թիմին են միացել պաշտպաններ բրազիլացի Ջեյմս Սանթոսը, նիգերիացի Դեու Դոսան և Աղվան Դավոյանը, կիսապաշտպաններ ռուս Դավիդ Խուրցիձեն, Արտակ Եդիգարյանը, ինչպես նաև հարձակվող իվուարցի Ֆոֆանա Բեկոն։
«Ալաշկերտի» մարզշական շտաբում նույնպես համալրում է եղել. ակումբին է միացել Տիգրան Եսայանը, ում նախկին աշխատավայրը «Ուրարտուն» էր։
Հիշեցնենք, որ «Ալաշկերտը» հուլիսի 7-ին Չեմպիոնների լիգայի որակավորման առաջին փուլի շրջանակում Ուելսի Աբերիսթվիթ քաղաքի «Պարկ Ավենյու» մարզադաշտում կմրցի «Կոննաս-Կի Նոմադս» ակումբի դեմ, իսկ հանդիպման մեկնարկը նախատեսված է Երևանի ժամանակով 22:00-ին։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Ալաշկերտ, Կոննաս-Կի Նոմադս, Չեմպիոնների-լիգա, տրանսֆերներ