Ազգերի լիգա. Չեռնոգորիան շանս չտվեց Կիպրոսին` հաղթելով խոշոր հաշվով 📸

Ազգերի լիգայի C դիվիզիոնի չորրորդ խմբի վերջին` 6-րդ տուրում Չեռնոգորիայի ազգային հավաքականը հյուրընկալվելիս 4:1 հաշվով հաղթեց Կիպրոսի թիմին։

Միրկո Վուչինիչի գլխավորած թիմից փայլեց «Ատալանտայի» հարձակվող Նիկոլա Կրստովիչը` գրանցելով երկուական գոլ ու ասիստ։

Հյուրերից աչքի ընկան նաև Միլուտին Օսմայիչը և Միլան Վուկոտիչը։ Կիպրոսից գոլ խփեց Յոանիս Պիտասը։

Խմբի մյուս խաղում Լատվիայի ու Հայաստանի ազգային հավաքականները գոլազուրկ ոչ-ոքի գրանցեցին։

Խմբի մրցաշարային աղյուսակը վերջնական ստացավ հետևյալ տեսքը.

1. Չեռնոգորիա – 16 միավոր
2. Կիպրոս – 8
3. Հայաստան – 6
4. Լատվիա – 2

Այսպիսով, Չեռնոգորիայի հավաքականը նվաճեց B դիվիզիոնի ուղեգիր։ Կիպրոսը B/C լիգաների անցումային փլեյ-օֆֆ-ում կխաղա։ 

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml

View this post on Instagram

A post shared by Fudbalski savez Crne Gore (@fscg_official)