Ազգերի լիգա. Դանիան հերոսանում է` հաղթելով Ֆրանսիային🎥

Ազգերի լիգա. Դանիան հերոսանում է` հաղթելով Ֆրանսիային🎥

04/06/2022 - 00:53

Ազգերի լիգայի A դիվիզիոնի 1-ին խմբի 1-ին տուրում Դանիայի հավաքականը հյուրընկալվելիս մրցեց Ֆրանսիայի ընտրանու դեմ։

Առաջին խաղակեսում «եռագույններն» ունեին տարածքային առավելություն, սակայն Գի Ստեֆենի սաները (խմբ.` Դիդիե Դեշամի օգնականը. 53-ամյա մասնագետն իր հայրիկի մահվան պատճառով բաց թողեց այս հանդիպումը) չկարողացան նախքան ընդմիջման գնալը բացել հանդիպման հաշվը։

Այն, ինչ ֆրանսիացիներին չհաջողվեց անել առաջին կեսում, նրանք արեցին երկրորդի հենց մեկնարկում և արեն 51-րդ րոպեին Կարիմ Բենզեմայի ջանքերով բացեցին հանդիպման հաշիվը։

60-րդ րոպեին Դանիայի հավաքականի գլխավոր մարզիչ Կասպեր Հյուլմանը Կասպեր Դոլբերգի փոխարեն դաշտ դուրս բերեց Անդրեաս Կորնելիուսին, ով էլ բեկեց այս հանդիպման ընթացքը։

Նախ 69-րդ րոպեին 29-ամյա հարձակվողը հավասարեցրեց հաշիվը, ապա 88-րդ րոպեին անակնկալ հաղթանակ պարգևեց հանդիպման հյուրերին։

Այսպիսով, Դանիայի հավաքականը հերոսացավ ու 2:1 հաշվով կամային հաղթանակ տոնեց աշխարհի ու Ազգերի լիգայի գործող չեմպիոնների նկատմամբ։

Այս խմբում կայացել է ևս մեկ հանդիպում.

Խորվաթիա 0:3 Ավստրիա

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022