Ազգերի լիգա. Բելգիան շոկի ենթարկեց Իտալիային` հաղթելով խոշոր հաշվով 🎥
Ազգերի լիգա. Բելգիան շոկի ենթարկեց Իտալիային` հաղթելով խոշոր հաշվով 🎥
16/11/2026 - 11:14

Ազգերի լիգայի խաղարկության A դիվիզիոնի առաջին խմբի վերջին` 6-րդ տուրում Բելգիայի ազգային հավաքականը սեփական դաշտում 4:1 հաշվով հաղթեց Իտալիայի թիմին։

«Սկուադրա աձուրիից» 11-րդ րոպեին հաշիվը բացեց Ֆրանչեսկո Պիո Էսպոզիտոն։

«Կարմիր սատանաները» նախքան ընդմիջում ոչ միայն հավասարեցրին հաշիվը, այլև երկու գնդակի առավելություն ստացան. 15-26-րդ րոպեների ընթացքում մեկական գոլ խփեցին Մաքսիմ դե Կույպերը, Նաթան Նգոյը և Ժերեմի Դոկուն։

80-րդ րոպեին հանդիպման վերջակետը դրեց Դիեգո Մորեյրան։

Առաջին խմբի մյուս խաղում Ֆրանսիան տանը 2:1 հաշվով հաղթել է Թուրքիային։

Խմբի մրցաշարային աղյուսակը վերջանական ստացավ հետևյալ տեսքը.

  1. Ֆրանսիա – 13 միավոր
  2. Բելգիա – 12
  3. Իտալիա – 10
  4. Թուրքիա – 0

Ֆրանսիան առաջին տեղով դուրս եկավ մրցաշարի փլեյ-օֆֆ։ Բելգիան հաղթանակի շնորհիվ բարձրացավ երկրորդ տեղ ու նույնպես հանդես կգա քառորդ եզրափակիչում։ Իտալիան պահեց տեղը A լիգայում, իսկ Թուրքիան մրցաշարի մյուս խաղարկությունում հանդես կգա B դիվիզիոնում։

Բելգիա – Իտալիա հանդիպման գոլերը` այստեղ

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2026