Ադրբեջանցի ֆուտբոլիստն Էգնատիայի կազմում ժամանել է Երևան 📸

Կոնֆերենցիաների լիգայի որակավորման առաջին փուլի առաջին խաղում «Արարատ-Արմենիան» սեփական հարկի տակ մրցելու է ալբանական «Էգնատիայի» դեմ։

Օրեր առաջ ալբանական ակումբը հայտարարեց, որ պայմանագիր է կնքել ադրբեջանցի կենտրոնական հարձակվող Վյուսալ Իսկանդերլիի հետ։

27-ամյա ֆուտբոլիստն ընդգրկվել է «Էգնատիայի» հայտացուցակում ու ակումբի հետ ժամանել Երևան, ինչի մասին վերջինս տեղեկացրել է նաև Inatagram-ի իր էջում։

Նշենք, որ Իսկանդերլին 2022/23 մրցաշրջանն անցկացրել է «Սումգայիթ» ակումբի կազմում` 35 խաղում դառնալով 6 գոլի և 3 գոլային փոխանցման հեղինակ։

Իսկանդերլին նաև Ադրբեջանի հավաքականի անդամ է, որի կազմում մասնակցել է 3 հանդիպման։

Հավելենք, որ «Արարատ-Արմենիա» – «Էգնատիա» հանդիպումը կկայանա հուլիսի 13-ին` Երևանի ժամանակով 19:00-ից սկսած։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am