Սպերցյանի գոլն ու ասիստը! «Կրասնոդարը» մեկնարկեց խոշոր հաշվով հաղթանակով 🎥

Ռուսաստանի Պրեմիեր լիգայի 2025/26 մրցաշրջանի առաջին տուրում գործող չեմպիոն «Կրասնոդարը» հյուրընկալվելիս 3:0 հաշվով հաղթեց «Պարի Նիժնի Նովգորոդին»։

Մրցաշրջանի առաջին գոլը խփեց ու ասիստը կատարեց Հայաստանի ազգային հավաքականի կիսապաշտպան, «Կրասնոդարի» ավագ Էդուարդ Սպերցյանը։

25-ամյա ֆուտբոլիստը 40-րդ րոպեին տուգանայինից կատարած փոխանցումով օգնեց աչքի ընկնել Դիեգո Կոստային, իսկ 68-րդ րոպեին արդեն ինքն աչքի ընկավ։

«Կրասնոդարը» չեմպիոնության պաշտպանությունն սկսեց հաղթանակով և մրցաշրջանի առաջին 3 միավորը վաստակեց։

Մուրադ Մուսաևի գլխավորած թիմը երկրորդ տուրում հուլիսի 26-ին սեփական դաշտում կմրցի Մոսկվայի «Լոկոմոտիվի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից

0-1 Costa pic.twitter.com/WB6LTZoymU

— RPL Sky (@RPLNews_eng) July 20, 2025

0-3 Spertsyan pic.twitter.com/hg5s9lKvfX

— RPL Sky (@RPLNews_eng) July 20, 2025