«Լոնդոնը գեղեցիկ քաղաք է». ՊՍԺ-ի սեփականատիրոջ եղբայրը հրապարակել է Պոչետինոյի լուսանկարը Մեսսիի փոխարինումից հետո📸

«Լոնդոնը գեղեցիկ քաղաք է». ՊՍԺ-ի սեփականատիրոջ եղբայրը հրապարակել է Պոչետինոյի լուսանկարը Մեսսիի փոխարինումից հետո📸

20/09/2021 - 20:39

Լիգա 1-ի 6-րդ տուրի շրջանակում ՊՍԺ-ն սեփական հարկի տակ 2:1 հաշվով կամային հաղթանակ տոնեց «Լիոնի» նկատմամբ։

Փարիզյան ակումբի կազմում հանդիպումը մեկնարկային րոպեներից սկսեց նաև Լեո Մեսսին, ով, սակայն, 76-րդ րոպեին փոխարինվեց` դաշտում տեղը զիջելով Աշրաֆ Հակիմիին։

Փոխարինման դրվագում արգենտինացի ֆուտբոլիստը չի սեղմել «Պարի Սեն-Ժերմենի» գլխավոր մարզիչ Մաուրիսիո Պոչետինոյի ձեռքը, ինչը բավական լուրջ քննարկումների առիթ է դարձել։

Այդ դրվագին անդրադարձել է նաև ՊՍԺ-ի սեփականատեր Թամիմ բեն Համադ Ալ Թանիի եղբայրը` Խալիֆա բեն համադ Ալ Թանին, ով Մեսսիի փոխարինվելուց հետո Twitter-ի իր միկրոբլոգում հրապարակել է Մաուրիսիո Պոչետինոյի լուսանկարը և գրել հետևյալը.

«Լոնդոնը գեղեցիկ քաղաք է.. դուք գիտեք դա»։

Հիշեցնենք, որ արգենտինացի մասնագետի նախկին ակումբը եղել է Լոնդոնի «Տոտենհեմը», որը նա մարզել է 2014-19 թթ.։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023